Stara narodna priča o tome vjerno svjedoči. Odvijalo se to otprilike ovako:

Nekoji, reklo bi se malko pametneši Molvarci, bili so mišlejna da cirkva neje napravlena baš na najbolšem mestu, pak ne bi bilo zgorjega celo cirkvo malko pomeknoti. I tak se skupe si muškarci s celoga sela i primo rivati cirkvo ze si petni žil. Tak so jako rivali kaj so se fest zapuvali, ali se cirkva neje dala nikam. Kagdar, pak to neje kapelica, takve silne cirkve nema nadaleko. Na to veli jeden:

                 – Sveeet! Mi tak nikaj ne bomo napravili. Jel ne vidite da se samo škližemo!? – veli čovek i pokaže na snega, jel je bila zimska dob. – Idemo lepo zuti opanke kaj se bomo bojle vutprli!

Zujo oni opanke, deno je kraj sebe, i pričmo pak rivati. Je, al je cirkva rado bila prežmeka, pak se glavni paler ovoga važnoga posla oglasi z novom komandom.

                – Ak nejde z ove strani, morti bo išlo z one druge!

Prejdo oni prek, pak rivlo i rivlo. I dok so se tak mučili i napijnali nešče koj je bil i te kak prefrigan, da im zakuva, se je nijove opanke lepo pobral i i šnimi vušel doma. Vu tom toga, dok so težaki več dobrano povustali, kreno oni na drugo strano glet jel se cirkva kam genola. Čem so došli imali so kaj videti – opankom ni traga. Na to se oglasi jeden Molvarec:

– A fala Bogu i Majke Marije! Tuliko smo porinoli kaj smo cirkvo narivali taman na opanke. Je, nikaj, sad smo kvarni opankov, al glavno da smo cirkvo porinoli!

Na to se javi jeden još pametneši:

– Čkomite, moremo biti Bogu zafalni kaj bo župnik na naše opanke mešo služil!

Tak so eto Molvarci z božjom pomočijom porinoli cirkvo i složili jo baš tam gde so i šteli. I se to platili svojemi opanki. Nikaj zato, barem so selski opančari imali kaj delati.