Nemali je broj starih mužikaša koji su imali smisla za humor, o čemu su se mnogi mogli osvjedočiti na svatovima gdje su ovi svirali. Pored cimbulaša Lovre Majetića, na istom je glasu bio i bajsar Šandor. Svirao je u sastavu Vugrinci, pa su ih ljudi rado zvali svirati jer je Šandor znao zabaviti goščenike svojim huncutarijama. Donosimo nekoliko njih:

Moja je žena tak debela da se nemre obrnoti f postele. A kak se onda obrača? – opet netko zapita. Lepo, otije na dvor pa se obrne, a onda dojde nazaj  postel!

Šandor je bil i foringaš pri Pepine (Josipu) Nöthigu, koj je imal puno grunta. Jempot so se vozili v gorice, a Šandor veli: Gospon, ja sem veliki bogec. Moja deca  neso nigdar jela krumera z gulinom! Ti Marijo (tak je Pepina navek govoril), a kaj onda jedo? – začudi se Pepina. Pitate kaj jedo! Krumpera, samo si ga obele! – odgovori Šandor.

Tak je jempot išel Pepine rezat gorice. Dok se je vrnol doma pita ga Pepina: No, jesi dobro obrezal? Jesem gospon! – veli Šandor. A kak! – dalje pita Pepina. Kak! Se na jeno joko! – bobne Šandor. Ti Marijo, a koga si vraga delal! Em si mi cele gorice skleštril! – zakričal je Pepina. Na to smireno otpovrne Šandor: Gospon, em je nesem mogel obrezati na dva joka kad sem na jeno čorav!

Na jene svate bil je i kapelan Slavko Fišter, inače jako šalen čovek. Veli nemu Šandor: Velečasni, jel se očete feleduvati da se bom zapregel pod ham i vlekel virjana? Em što to more!? – začudi se kapelan. Jel mi daste petačo (5 forinti) ako to napravim? Dam! – znagloga pove kapelan. Otijo mam vun i Šandor nase naprti hama, zakapči štrange i vudri vleči. Goščeniki so vutaman kričali kak na kojne, a Šandor je cukal i natezal štrange. Dok se je nacukal veli: Sad je dosti! – i hiti hama s pleč. Velečasni, prosim petačo! – i pruži roko. Ti bi trebal mene dati petačo, a ne ja tebe, jer je virjana ostal na mestu! – ščuđavajoč se veli mu kapelan. Na to ga poklopi Šandor: Jeee, velečasni! Pak ja nesem rekel da bom virjana odvlekel, nego vlekel! A kaj si ja morem kad se virjan ne da nikam genoti! Tak je kapelan Fišter zgubil petačo.