Dok so se moj joča rodili, onda so me poslali v nebo po krsnoga lista. Idi ti! Ti najprede dojdeš, ti si najpametneša! Ja sem onda otišla v nebo po paprote i dok sem tam se obavila, ov me pošle sim, ov tam – tak se ja oču vrnoti dole, ali je došla prasica i potkopala paprot. A sad  – kam ja?! Imala sem još nekaj novac pa sem kupila hrženi posej, splela vože i spuščala se dole, ali vože neje fsegalo do zemle. A ja – kaj bi, kaj bi – rezala sem vože dole i gore nadovežuvala.

Ali je još bilo daleko do zemle. Ja ni pet ni šest, spuščam se dole pa kaj bo, bo, ali sem se zato zabila v zemlo mam do pazuja. Miksam se ja sim tam i nikak se spuknoti. Al se setim i bež, bež mam doma po lopato. Ondar sem se otkopala i ode ja dalje. Al je bilo vroče a ja žeđna. Nigde vode kad je bilo se smržneno. A ja – kaj bi kaj bi – vudrim z nogom al nikak leda potrti. I nikaj, otšarafim glavo i bum š nom po ledu dogoder neje pukel. I lepo se napila.

Idem tak dalje i zglenem nekakvoga čoveka na oreju kak jaši plantavo gosko. A ja velim: Ti bedak, kaj to siroto gosko tuliko hampučeš i gotiš?! A on mene veli: A kajda ti bedasta odaš brez glave?! A ja se pošuškam, a glave nema i zdrknem se do leda gde sem jo ostavila. Kad tam, zglenem glavo kak na seče lešnake rušče. Našarafim jo i krenem kad li mi se počme senica špotati. Manem na njo z lopatom i mam se naprave tri globoka jarka, jeden s perjem, drugi s krvijom a trejti z mesom. Je, al sad nemrem lopato najti. Nikaj, vužgem perje i najdem samo toporišče, a lopata je zgorela. I tak sem se zamudila i zadangubila, i dok sem došla doma s krsnem listom moj so se japa vreč oženili. Tak sem eto i ja bila na svate.