Tak so jempot pastiri bili na paše z marvom, i kak so blodeli širom i sakodek, jeden od nji našel je na soncu vilovsko dete, bi rekli dete nekakve vile. On je dete pokupil sebom i del ga f lad. Vu tom toga je došla vila i zapitala pastira: Što je mojemu detetu lada npravil?. Pastir na to rekel da je on lada napravil. Zadovolna vila pove mu da za nagrado naj prosi od nje kaj goder oče. A on veli: „Štel bi biti jakši od si drugi pastirov koji me bijo! Onda mu je vila dala cecka naj jo ceka. Dok je bil gotov poslala ga je naj spukne jenoga rasta. On ga je samo malo zanijal a ona se oglasi: Odi još cekat! Onda ga je pak poslala rasta pukat. Vezda ga je vreč dobro scimal pak se je i zvijal. Onda je išel i trejti pot cekat. Tekar je onda uspel rasta spuknoti, i s korejnem. Vila mu je na kraju rekla: Sad idi slobono, vezda boš med pastiri najakši! Tak je bormeš i bilo.

Slika Coprnica Ivana Generalića