Jedna egzistencijalna priča nastala u siromašnoj obitelji. Takve umotvorine mogli su izmišljati samo pošteni siromasi. Bogatuni nisu za to imali vremena jer su danonoćno bdjeli nad imovinom i brojili forinte.

Bili so tak siromašni ljudi, čovek i žena. Od silne imovine imali so samo jeno prase. Čovek je bil malko prdast pak mu je žena morala dosti kričati.

Ivinaaa! To prase bomo lepo ranili i ranili dogoder š nega ne bo narasla prasica. Ondar ji se damo nabucati pak se bode, ako Bog da, bormeš i oprasila. Ondar bodo praščoki cekali pak dok malo prirasto ondar prodamo i nje i prasico. I ondar si bomo lepo kupili kravičko. Pak bomo i njo ranili i dojili. Pak jo lepo otpelamo pod bika kaj bo bređa. Ako Bog da, bo se otelila pak dok telička bo k čemu prodamo i njo i kravo. I ondar lepo kupimo kobilko kaj bomo imali na čem voziti i orati.

Jeeee, kak bi to bilo lepo…! – zdene si Ivina i legno obedva spat.

Žena se je rano zbudila – i kaj – poštelo ji se je mesa jesti, pak je nekak nabrkala Ivino kaj je zaklal prase. A on je trančeril i jafkal kak to ne bo dobro zišlo. Ostane ona doma napecati meso a Ivina otije nekam za poslom. Vrne se on doma i veli žene:

A gle, žena! Našel sem biča.

Na to mu žena otpove:

Oooo, vidiš čovek da je dobro kaj smo prase zaklali. Biča si našel a konj več bo!