Đurđevčanka Sofija Barkić rođena Berta (1906. – 1988.), koja je živjela na Severovcima ispričala je sljedeću priču, ukratko, kako žena nije mogla dočekati čovjekovu smrt…

Tak so bili jedni čovek i žena. Žena još okretna, dobro se drži, a pogotovo na jeziku. Ali je zato čovek bil betežen i ležal f postele na umoru. Bilo je proščejne pak se je žena spravlala f cirkvo, pod šatro, na gverc… Krene ona i vidi kak jo čovek nekak žalosno gledi, i samo čkomi. Pa ga zapita:

A kaj si tak žalosen?

A kaj bi drugo rekel, samo je čkomel. I sam je znal kak mu je, zađni so časi a ona ga ostavla samoga. Žena mu je onak v žurbe, vreč opravlena, povedala:

Čovek moj, ako tebe bode pritežalo k smrte, ti boš najbolje znal gda je to. Evo ti dupler, i šibice so tu. Vužgi si ga dok boš kanil vmrti, i deni si ga v roko. A dok vmerneš opuni duplera – znaš – ne bi štela da mi postel zgori!