Mnogi smatraju da je jedno od najpoznatijih obilježja Podravca – škrtost, a da se ona posebno očituje u Novigradaca. S druge pak strane, Podravci će reći da je prije riječ o skrbnosti. No, jedno je sigurno, Podravec je oduvijek bio majstor u šparanju. On je originalni proizvod graničarske Vojne krajine, neobičnog društva u kojem je vojska bila glavna i jedina vlast. U njem je vladali red, poslušnost i rad. Podravec je morao braniti granicu i ratovati, a zauzvrat je dobio pravo na obradu carske zemlje. Pored toga morao je izvršavati sve vojne naredbe, ići na tlaku  satniku, kapetanu, pukovniku i plebanušu. Sve što se radilo za dobrobit sela i Cara radio je na komandu. Tko nije bio pokoran i nije izvršio zapovijed, sljedovale su ga batine, zatvor, pa lišenje života. U takvom okruženju rodila se posebna rasa zvana Podravec. Ponešto njegovih gena nosimo i mi. Netko je obolio od toga odmah, netko kasnije, a netko u starosti. Toga se obilježja ne ćemo tako brzo riješiti. Zato ne čudi da Podravec rablene čavle ravna a nove čuva, zakrpane lače nosi a petore nove v ormaru vise. Venčana oprava mu je za celo živlejne; za k meše, za med svet iti, a na zađne i za v grob. On nejde g brice da ga oštrigne, nega sused štriže. Ak mu mantlin na biciklinu pukne on ga špagom podveže. On se na deke važe, kuliko dobi tuliko vrača, tak da nikaj dužen ne ostane. Kader je katnico napraviti a f podrumu i v letne kujne živeti. V sake iže zdignene kamine ima, a pri pregorenom štednaku se greje. On nove zaode i kupaone ima, a na stran ide f šekret na gnojištu i pere se f strugajne. On sakaj spravla: deske prnadlive, letve šturlave, želesca, ciglovje, čerepovje, pikse plejnate, škatule, krpje, mertučje potrto, alata pohablenoga i kojekakve komadičke sakakvoga materijala. Veli da mu to bo vreč negda trebalo i da to mora čovek navek pri roke imati, a ne fort za sakaj v dučan zbegavati. Celo živlejne on tak skupla, zobače, prigrijna, bere, pribira i paperkuje, pak spravla, čuva, šparja, škrži, važe i meri.

            On i v jelu šparja, dok špajza je štrifom sega puna. Nagvanče se dok so svati i kolijne. Doma kostje oglaba i kože koše, a župniku, familije, doktoru i fiškalu čitave gozbe pripravla. On na proščejnu i pijacu nejde pod šatro na kotlovino, čurke, gverc i gemišt, em ima on kaj i doma jesti. On se v bertijo ne zavrača jer je to nepotreben trošek. On ne kupuje na kile, pakunge, maže i lagve, vreč na deke, komade i flašičke, jeno po jeno, culari na više pot jel drži da bo tak više prišparjal. On rali i rali trave za seno ima, a međe kosi i drača žejne. F šume graškovijne za kuriti prikupla, a za ižom je klaftre i klaftre skalanic napelal. Dok kuri i onda šparja, kaj i za k letu nekaj ostane. On po polju i po trsju paperkuje, sako lat i sako jagodo. Nikaj ne ostavla da propane – to je smrtni grej. Ako pak ima viška nikaj ne prodaje. Novac ak ima, nigdar drugomu ne posođuje. Veli da nema, pak ftruc kuka i jafče kak se žmeko živi. Takaj se pri nikomu i ne zadužuje jel to je nemu spod časti, makar mu je žmeko i nema. On sakakva pomagala ima, mašine i aparate, alate moderne, ormare pune opravlijna i cipelovja pod postelom, na sako felo. No, mesto da to rabi, nosi, dere i haba, on to čuva kaj mu bo dože duralo. Opravo nosi dok se ne raspara, raspozne, ščeše, skodeli i scufa. Se sam napravi; steše, ščepla, sklepa, sprešije, nasoli, zakiseli, skuva, speče, otrani, posadi i poseje, samo da ne mora novce za to davati. Gorice dela makar i ne pije. Misli da je sramota ne imati ščem gosta podvoriti. On i na jeziku šparja, al dok ti pove, v riti te zapeče. No, saka mu je reč na mestu. On jednostavno ne zna trošiti, rajtati, trajati, rasitavati i potepati.