“Gospon i cucek”


Doklam vu Podravine mlado dopeljajo k stanju, ona se drugoga dneva mora obvezatno mam diči zorčaka, obleči se kakti mlada sneha, na glavo deti crleno šamijo. Dok se vredi i abriktuje, onda ide hižo zmetat i kojekej drugo po hiži renđerit. Razme se, ona zmeče, a goščeniki jo zafrkavajo, rasitavajo ji po hiži smetije, kostije i kojekakvo drugo prtljažinje tak da nemre nikak hižo zmesti, a to je onda sem ljudem za smeh. Tak je bila jedenpot jedna mlada sneha koja je išla hižo pometat, a cucek ji je podjenoma zadeval. A ona ti veli cucku:

Meknete se gospon cucek!

Cucek kak cucek – neje se meknol – a ona njemu pak začas veli:

Meknete se gospon cucek! 

Gledi stari japek, študera si nekaj vu svoji glavi pak pita mlado sneho zakej ona cucku podjenoma gospon govori.

Veli ona japeku:

Jeeee, gospon japek, trebate vi znati da sem ja fine fajte i finoga roda. Mene so moji stareši davali lepe navučke kak se imam ladati. Navek so mi pripovedali da sakojemu stvoru imam reči – gospon. A meni vam je, gospon japek, tak svejedno reči gospon vam ili pak cucku!

 

Kazivač Josip Šikulec Joža, Medvedička. Zabilježio Miroslav Dolenec Dravski 1970.

 
comment 

KOMENTARI

Komentari

Ova web-stranica koristi Akismet za zaštitu protiv spama. Saznajte kako se obrađuju podaci komentara.

Do NOT follow this link or you will be banned from the site!