Tak je živel jeden čovek i bil je malko ojs – bi se reklo da mu neso si kotači bili v glave. Jenoga dneva zaiti on vrečo s krumperom na pleče i ode f šumo. Splazal je na jeden graber i prijel se pod sebom gran podsekati. Vu tom toga nadide nekakov čovek i veli mu:

Ivinaaa, boš opal!

I neje bormeš dogo potrajalo kad li se Ivina skopitne skup z granjom i sekirom dole. Imal je srečo kaj se neje stokel. Pokupi vreče s krumperom i beš za onem čovekom kaj mu je rekel da bo opal. Dostigne on nega pa ga zapita:

Slušaj, kak si ti opče znal da bom ja opal?

A kak ne bi znal!

Jel ti morti znaš onda i gda bom ja vmrl?

Kak ne bi znal – dok tri pot predneš!

Veli to čovek i nestane f šume. Ide Ivina i klipše stezom, grunta i premišlava – Znači, tri prca do smrca! – zamišleno sam sebe veli. Hoda on i hoda kad li mu vujde prdec. Lecne se i misli vu sebe: Još dva prca do smrca! Krene on dalje i pobegne mu i drugi pot, al bormeš i trejti prdec ode. Potlam trejtega iti se na zemlo jel, kakti, on je vmrl, mrtev, a krumper se rastepe z vreče. Na to dojdo nečije svinje i vužgi jesti krumpera. A Ivina na ležeč žalosno pregovori:

Eeee, da sem ja živ, vraga bi vi jele tuđega krumpera!