Pripovedal je jeden Šemovčan kak je negdar bilo za Vojne granice. Dobivali so od vojne vlasti deputata, bi rekli drva f šume za sako ižo. Rekli so starci da so to graničarsko pravo imali još od staroga Kristuša, zaprav odnavek. Tak so jeno leto Šemovčani dobili deputata f šume pri Svete Jane pa so pošli drva zdelavat. Išli so čez selo i vidli pri par iž kak se kadi, pak so si mislili: „Gle Svetojančani redno svijne ražajo i smode!“. Al bilo im je to malko čudno jel je zaondar Sveta Jana tak obokčala kaj so samo dvojica f selu imala kolno sprego. Zato im je bilo čudno da kak to, bokci a smode pri saki druge iže. Stali so pri Račanove iže pak so pitali staroga Račana: „Joooj, to so samo jognišča po selu, jel ste morti ražali?“ „Jesmo!“ – veli Račan – „Smudili smo racu!“