Ova virovska narodna priča bez naslova govori o župniku i učitelju dok su išli na sprovod u jedno selo. Priču je zabilježio Virovec Josip Tomec u svojim etnografskim zapisima krajem 19. stoljeća:

Vozil se je plebanuš i školnik f koli na sprevod. Plebanuš je bil debel a školnik gurav. Otišli so fajn od sela daleko. Veli plebanuš: „Čujete, mladi gospon, meni je zlo na čerevo, nekej mi fort frče po čerevu i krolji. Ja bi išel dole iti!“ „Pak ite, velečasni“, veli školnik, „tam za sečo“. „Je, gospon, ja sem jako debel, ja ne smem počenoti. Ako počenem, onda se nemrem diči.“ „No, onda, velečasni, idem i ja, pak se vuprete vu me s pleči, a ja vu vas, pak se tak barem leže dignete.“ „Dobro“. „Hoha!“ Foringaš stane a oni dva brže za sečo. Omekno lače i vutpro se s pleči, a kak je plebanuš imal širokoga tura tak je školnik pod svojo rit podvlekel plebanuševe lače. Tak so se lepo obedva nametali f plebanušev tur. Digno se, plebanuš pritegne lače, al ga malo zatopi. „Huuu, em mi je rado maljučko vušlo. No nikaj zato.“ Dok so došli domom pozove plebanuš svojo gazdarico: „Jeva, hodi, hodi, em mi je malo vušlo.“ Plebanuš se presleče i da lače gazdarici, ali doje začas gazdarica i pita: Velečasni, a što se je još z vami nametal? Em so dvoje fele dreka!“

Vladimir Miholek