Česta je tema narodnih priča o čovjeku, župniku i ispovijedi. Jednu je ispričao jegedaš Pero Subotičanec (1906.) iz Drenovice.

Jempot je bil tak jeden preveč prekšen čovek, al je itak bil pobožen, išel redno k meši, obnašal cirkvene dužnosti i redno se je spovedal. I jempot ide on tak na spoved kaj bi svojo dušico od greha osnažil i kaj bi se pričestil z oštijom. Pita nega lepo pop kej je zgrešil, a on po redu nabraja svoje grehe. I klel je i kakti bludno je zgrešil i sosedovo žensko si je milno poglenol, a zmed ostalem, veli on, da je na pot itil jenoga tušlina. A njemu veli pop da to neje greh na pot tušlina ititi. On je na to rekel popu ovak:

Jeeee, neje greh na pot ititi tušlina, al so v tušlinu mamica bili!

Onda njega dalje pop pita da jel još kaj zgrešil. A on odgovarja:

Jesem, jošče sem zgrešil. Sekirom sem na drvocepu po kožuvu nabijal!

Onda njemu pop veli da ni to neje nikakov greh.

Jeeee, neje greh na drvocepu po kožuvu nabijati, al so vu njem japa bili!

Na to veli pop – Haaa, ondar je to itak grej! – pak nastavi – A jel se ti kaješ za svoje grehe i jel ne boš takvoga kej još delal!

Ja se kajem od sega srca svojega da ne bom više na pot ititil tušlina niti sekirom na drvocepu po kožuvu nabijal kajti so mamica i japa vre – vmrli!