Ne zna se kak, al je na sigečke cirkve na turnu počela rasti trava. Sigečani so gruntali kaj bi napraviti, a škoda im je bilo da se trava posuši. Onda se je jeden Sigečan rasprte glave setil da bi mogli na turen odvleči selskoga bika da jo popase, kaj ne bo išla po kvaru. Tak je i bilo. Dopelali so bika, donesli voževje i špulo. Skupilo se je fest težakov, ali i sveta da vide to čudo. Neso znali kak bi ga popantali z voži pak so ga svezali za vrat. Tak im je bilo najzgodne. Počeli so vleči bika o dok je več bil blizu trave počel je plaziti jezika, a svet je kričal: Gle, gle, dosiže travo bo pasel! Je, al je bik se bolje i bolje plazil jezika, i na kraju se obesil i zagotil. Tak so Sigečani ostali bez bika, a trava se je posušila. Eto, škoda trave.