Grozdje pobrano, loza opozla. Mošt spakeran med obroče. Pobrani oreji i kostajni. Mir se zavlekel med brege. Trsje pred zimski počinek. Oohaa! Stavi Belko, stane pred kletijom. Raspregne kobilo od kol, zakapči ogrinjača, i v red. Zemla se prislanja k čokotu da ga zgreje. Škrto sonce nalukava se znad krova. Kantica z mladem vinom na prislojne. Iga klopanče, kobila sipuče v breg. Dok zido z redom, pri klete si počino. Gazda nadiže kantico, kobila travo skube. Zido zađnem redom. Sedne na pocek, nalukava se f kantico. Gledi trsje. Čokoti z nogom v zemle, z rokami prama nebu. Oblečeni za počinek. Nalukne se f klet, pogleda lagve, natoči putro, potoče čepe. Da se vino po zime ne tepe po klete. Posloži škrilaka, pukne z bičom: Ajda belka! Spusti se klancom. Kobila veselo prdi prama domu. Putra zalegla f senu. Za koli bagoš diši a dim se kopiče f sečo.